A TRADIZIONI URALI CORSA :  GHJUVANNI U BELLU

Storia di Lisandru Filippi cunduttori di « A Berlina »

Ricacciata da « U Rughjonu » publicatu in Porti Vecchju e direttu da ghjuvanna Terrazzoni.

Aghju fattu u sirviziu nant’a a berlina di Panighi da u 35 à u 48. ( Porti Vecchju – Muntagna – Aiacciu).

Una sera di nivonu (7 friaghju 43) vultendu da Aiacciu a niva ci faci firma in Carbini à cinquanta metra di a casa di Ghjuvanni Marcellesi dittu « Ghjuvanni u Bellu ».

Piddava sempri a berlina e mi chjama cu i tredici passaghjeri in casa inde iddu.

Tutti à u caminu, in sta nutata nasci « A Berlina ». Ghjuvanni facia a rima e ghjeu davu l’idei. Un l’ha mai scritta è par quissa ch’ugni famidda ha sà un pocu à so manera.

Certi l’hani ancu cantata in publicu, à quandu bè à quandu arranghjata.

Oghji, Ghjuvanni Marcellesi è mortu, ci voli à sapé ch’idd’era un gran’pueta, andava ancu à canta e à suna in Italia.